Gukora imibonano mpuzabitsina ku buryo bwiza kandi bwizewe bifite akamaro kenshi cyane ku buzima bw’umubiri, ubwo mu bwonko, ndetse no mu mibanire y’abashakanye.
Abahanga mu by’ubuzima bagaragaza ko gutera akabariro bituma umubiri urekura imisemburo itandukanye ifasha umubiri gukora neza
Dore ibyiza by’ingenzi byo gukora imibonano mpuzabitsina:
1. Kugabanya umuhangayiko (Stress) n’akanyamuneza
Iyo umuntu arimo gukora imibonano mpuzabitsina cyane cyane iyo arangije, umubiri urekura imisemburo nka oxytocine na endorphine. Iyi misemburo izwiho gutuma umuntu agira akanyamuneza, ikagabanya amaganya, umuhangayiko, no kwiheba.
2. Kongera ubudahangarwa bw’umubiri
Ubushakashatsi bwerekana ko gukora imibonano mpuzabitsina nibura rimwe cyangwa kabiri mu cyumweru byongera abasirikare b’umubiri barwanya indwara (immunoglobuline A) ku rugero rwa 30%. Ibi bifasha umubiri guhangana n’indwara zizahaza nk’ibicurane.
3. Kugabanya ububabare bw’umubiri
Igihe cy’imibonano mpuzabitsina, ya misemburo rukuruzi (endorphines) irekurwa n’umubiri ikora nk’umuti ugabanya ububabare. Bishobora kugabanya kurwara umutwe, kuribwa mu ngingo, ndetse no ku bagore bibaganyiriza ububabare bw’imihango.
4. Kurwanya ibitotsi n’umunaniro
Gukora imibonano mpuzabitsina bituma umubiri uruhuka cyane nyuma y’igikorwa. Umusemburo wa prolactine urekurwa nyuma yo kurangiza utuma umuntu agira ibitotsi byiza kandi by’isuku, bigatuma azinduka afite imbaraga.
5. Gukora imyitozo ngororangingo (Siporo)
Gutera akabariro ni siporo nziza kuko bituma umutima utera neza, bigatwika ibinure (calories), bikongera guhumeka neza, kandi bigakomeza imikaya y’amatako, amabuno, n’umugongo.
6. Kongera urukundo n’ubwiyunge mu bashakanye
Igikorwa cy’imibonano mpuzabitsina cyongera umusemburo wa oxytocine (bita umusemburo w’urukundo). Ibi bituma abashakanye barushaho kwizerana, gukundana, no kugirana umubano ukomeye kandi ucyura umubano mwiza mu rugo.
7. Gutuma uruhu rugaragara neza
Gutembera neza kw’amaraso ndetse n’ibyuya bishira mu mubiri mu gihe cy’imibonano bituma uruhu rusa neza , rugahumeka neza, kandi rugahorana itoto n’isura y’ubwana.
8.Kugabanya ibyago byo kurwara ibicurane na Giripe
Ubushakashatsi bwakozwe na Kaminuza ya Wilkes (Wilkes University) yo muri Pennsylvania buvuga ko gukora imibonano mpuzabitsina inshuro imwe kugera kuri ebyiri mu cyumweru byongera 30% urugero rwa “immunoglobin A”, ishinzwe kurinda umubiri.
9.Gukora neza k’uruhago rw’inkari
Imibonano mpuzabitsina kandi ituma Uruhago rw’inkari rugira ubushobozi bwo gukora neza.
Icyitonderwa: Kugira ngo ibi byiza byose ubyishimire, ni ngombwa gukora imibonano mpuzabitsina n’umuntu umwe mwizerana (uwo mwashakanye) cyangwa mugakoresha agakingirizo mu kwirinda indwara zandurira mu mibonano mpuzabitsina n’inda zitateganijwe.
