Banki Nkuru y’u Rwanda (BNR) yatangaje ko inoti zimwe zishaje z’amafaranga y’u Rwanda zizahagarikwa gukoreshwa nk’amafaranga yemewe mu gihugu, Ibi bikurikira iteka rya Perezida ryashyizweho ku wa 27 Gashyantare uyu mwaka, riteganya gukuraho agaciro k’amoko amwe y’inoti zari zisanzwe zikoreshwa.
Mu itangazo ryashyizwe ahagaragara kuri uyu wa gatanu taliki 30 Ukwakira Banki Nkuru y’u Rwanda yavuze ko inoti zitandukanye zitazongera kwemerwa nk’uburyo bwo kwishyura mu Rwanda , uhereye ku munsi wejo ku cyumweru Taliki 1 Ugushyingo 2026.
Inoti zizagirwaho ingaruka ni iza 500 Frw zakozwe mu mwaka wa 2004 na 2013, iza 1 000 Frw zakozwe mu 2004 na 2015, iza 2 000 Frw zo mu 2007, ndetse n’iza 5 000 Frw zakozwe mu 2004 na 2009.
Banki Nkuru yasabye abafite izo noti kuzihinduranya mu gihe cyagenwe kugira ngo birinde ibibazo
Abazifite bashobora kujya kuzihindura muri banki z’ubucuruzi n’amashami ya Umwalimu SACCO hirya no hino mu gihugu.
Nyuma y’icyo gihe, izo noti zizajya zihindurirwa gusa ku cyicaro gikuru cya Banki Nkuru y’u Rwanda kiri mu Kiyovu mu Mujyi wa Kigali no ku mashami yayo.
