Amakuru aturuka mu ntara ya Kivu y’Amajyepfo, yemejwe n’abaturage bo muri Rubarati, muri Teritwari ya Uvira, aravuga ko abarwanyi ba MRDP-Twirwaneho, ku bufatanye n’ihuriro rya AFC/M23, bafashe imwe mu misozi yitegeye umujyi wa Uvira, ku wa Mbere tariki ya 12 Ukwakira 2026.
Nk’uko amakuru akomeje gukwirakwizwa ku mbuga nkoranyambaga abivuga, agace ka Munanira kafashwe n’abarwanyi ba AFC/M23 bafatanyije na MRDP-Twirwaneho, nyuma y’imirwano bahanganyemo n’ihuriro rigizwe na Wazalendo, FDLR, FARDC ndetse n’ingabo za Tanzania.
Abaturage bavuga ko kuva i Munanira kugera mu mujyi wa Uvira ari urugendo rw’amasaha agera kuri atatu n’amaguru.
Nk’uko abo baturage babitangaza, abarwanyi ba MRDP-Twirwaneho na AFC/M23 bafashe ako gace nyuma yo gusubiza inyuma ihuriro ry’ingabo zirwanira ubutegetsi bwa Kinshasa. Iryo huriro ririmo FARDC, FDLR, Wazalendo ndetse n’ingabo z’u Burundi.
Amakuru atangwa muri ako karere avuga ko izo ngabo zasubiye inyuma, zerekeza mu duce twa Ruhuha, Marimba no mu tundi duce twegereye imisozi yitegeye umujyi wa Uvira.
Hagati aho, amakuru akomeje gukwirakwizwa muri aka karere, n’ibitangazamakuru bitandukanye avuga ko ko M23 na twirwaneho bashobora kugenzura uvira vuba.
