Umunyamakuru Ndambendore Valens uzwi nka Ndahiro Valens Papy agiye gusubira mu rukiko kuburana ibyaha aregwa birimo gutukanira mu ruhame no gukwirakwiza amakuru y’ibihuha.
Ibyaha aregwa bishingiye ku nkuru yakozwe na Ndahiro, itangazwa kuri BTN TV mu 2024.
Yagaragazaga uburyo umushoramari witwa Ndayisenga Matherne wo mu Murenge wa Muhima yifashishije ‘caterpillar’ asiza ikibanza, agafunga inzira y’abaturage, inzu zabo zigasigara ku manga, banavuga ko yafashe ku butaka bwa Leta.
Nyuma yo gutangaza iyi nkuru, habayeho ibiganiro bibiri biyivugaho, byatambutse kuri televiziyo ebyiri, aho Ndahiro yabyitabiriye nk’umutumirwa wasobanuraga uko ikibazo giteye.
Ibyo ni byo byatumye Ndahiro aregwa n’uyu mushoramari icyaha cyo gutangaza amakuru y’ibihuha no gutukanira mu ruhame.
Tariki ya 12 Kamena 2026, urukiko rwagize Ndahiro umwere, rugaragaza ko ikirego Ubushinjacyaha bwatanze nta shingiro gifite kandi ko uyu munyamakuru nta ndishyi cyangwa ihazabu agomba gutanga.
Ubushinjacyaha bwajuririye uyu mwanzuro mu Rukiko Rwisumbuye rwa Nyarugenge. Urubanza rw’ubujurire ruzaba ku wa 14 Ukwakira 2026.
