Umuhanzi Itahiwacu Bruce wamamaye nka Bruce Melodie yatangaje ko atafunzwe kandi ameze neza, anyomoza amakuru yari ari amaze iminsi akwirakwira ku mbuga nkoranyambaga zirimo TikTok avuga ko yatawe muri yombi.
Mu kiganiro yahaye IGIHE, Bruce Melodie yatangaje ko aya makuru yamugezeho ariko avuga ko atazi aho yavuye n’uwayatangaje.
Ati " Ntabwo nafunzwe, nta n’ikindi nabona ndenzaho."
Itahiwacu yakomeje avuga ko na we yabibonye bikwirakwizwa ahantu hose ku mbuga nkoranyambaga, nyuma atangira no kubona abantu be hafi bamuhamagara bikanze.
ibi bibaye mugihe hari amakuru avuga ko umubano wa Bruce melody n’umujyanama we Karomba Gaël uzwi nka Coach Gael wifashe nabi .
