nkuko tubikesha BBC , Ebola Kuri ubu, ni cyo cyorezo cya Ebola kimaze kwica abantu benshi mu mateka ya Repubulika ya Demokarasi ya Congo (DRC) ndetse ni icya kabiri mu kwica abantu benshi ku isi nyuma gusa y'icyo muri Afurika y’uburengerazuba cyo mu mwaka wa 2013 kugeza mu 2016 cyishe abantu barenga 11,300 mu bantu bagera ku 28,600 bari baranduye.
None ubu icyorezo cya Ebola muri DRC cyateye indi ntambwe mbi, mu gihe abantu bemejwe ko banduye ubu barenze 8,000 kuva gitangajwe ku mugaragaro ku itariki ya 15 Gicurasi (5) uyu mwaka.
abayobozi bo mu rwego rw’ubuvuzi bavuga ko abandi bantu 78 bemejwe ko banduye Ebola ku itariki ya 26 Nzeri (9), nkuko raporo nshya yuko iki cyorezo gihagaze ibigaragaza.
Ibyo bitumye umubare wose w’abemejwe ko banduye Ebola ugera ku bantu 8,067. Muri icyo gihe, abantu 49 byemejwe ko bishwe na Ebola, barimo 34 bapfiriye mu ngo, na 15 bapfiriye mu bigo bivurirwamo abarwayi ba Ebola.
Abishwe na Ebola bose hamwe ubu bageze ku 3,901, ikigero cyo cyica cy’iyi Ebola – yadutse ku nshuro ya 17 mu mateka ya DRC – kikaba kiri kuri 48.4%.
Intara ya Ituri mu burasirazuba bw’igihugu ni yo ikiri imbere mu kwibasirwa cyane na Ebola, aho 57 mu banduye bashya ari abagaragaye muri iyo ntara.
