Perezida wa Serbia, Aleksandar Vucic, uzwiho politiki yo gukorera baturage, yatangaje ko yeguye ku mirimo ye kuri iki Cyumweru Taliki 27 Nzeri asoza manda ye ya kabiri kandi ya nyuma y'imyaka itanu, ndetse anafungura inzira y'amatora ya perezida ateganyijwe kuba vuba muri iki gihugu.
Kwegura kwa Vucic, kubaye hasigaye amezi arindwi ngo manda ye irangire, kuje mu gihe hari ibikorwa byo kwiyamamaza mu matora y'abadepite ateganyijwe ku wa 25 Ukwakira muri Serbia, ibi bimuha amahirwe yo kugirwa Minisitiri w'Intebe niba ishyaka rye Serbian Progressive Party (SNS) rishyizeho guverinoma nshya.
Mu mpera za Kamena yari yatangaje ko ateganya kwegura kandi ko Serbia izakoresha amatora y'abadepite n'aya perezida mbere y'igihe.
gusa Imiryango iharanira uburenganzira bwa muntu yashinje Vucic n'abo bafatanya kuyobora igihugu kuyobora bakoresheje igitugu nyuma yaho abigaragambya barwanya ubutegetsi bavuga ko bakubiswe na polisi kandi bagafungwa mu buryo bunyuranyije na mategeko gusa Abategetsi bo bahakanye ibyo birego.
Kuri iki Cyumweru, amagana y'abashyigikiye Vucic bamwishimiye imbere y'inyubako y'Ibiro bya Perezida iri rwagati mu mujyi wa Belgrade.
aho Yabwiye abo bantu bazunguza amabendera, iminota mike mbere yo kwegura ati: "Uyu ni wo mugoroba wa nyuma nkiri muri iyi nyubako."
Yakomeje agira ati: "Nabakoreye mu budahemuka, nkorera namwe n'igihugu cyanjye Serbia Nishimiye ibyo twagezeho twese hamwe."
Nk'uko Itegeko Nshinga rya Serbia ribiteganya, Perezida ucyuye igihe w'Inteko Ishinga Amategeko, Ana Brnabic, azaba Perezida w'agateganyo kugeza igihe hazatorerwa undi. Amatora ya perezida agomba kurangira mu minsi 90, kandi ibikorwa byo kwiyamamaza bizamara hagati y'iminsi 30 na 60.
