Imirwano yongeye kubura mu gitondo cyo kuri uyu wa Gatanu, tariki ya 25 Nzeri, hagati ya AFC/M23 n'Ingabo za Repubulika Iharanira Demokarasi ya Congo (FARDC), zifatanyije n'abarwanyi ba Wazalendo, i Remeka, mu gace ka Ufamandu ya 1 (teritwari ya Masisi).
Nk'uko amakuru yatangajwe na ACTUALITE.CD abivuga, ingabo za AFC/M23, zongereye umubare w'abarwanyi ndetse n'ibikoresho bya gisirikare byavuye i Ngungu, iyi mirwano itangiye nyuma yuko M23 ifashe Remeka kuri uyu wa kane , Afc/M23 bagabye igitero simusiga ku birindiro byari bifashwe n'ingabo za Leta n'abo bafatanyije muri iki gice cya Kivu y'Amajyaruguru.
amakuru kandi avuga ko muri ako gace hakomeje kumvikana urusaku rw'imbunda ziremereye n'izoroheje, bigaragaza ubukana bw'imirwano. Kugeza ubu, ibintu bikomeje kuba bibi, mu gihe imirwano igikomeje.
Iyi mirwano yongeye kubura nyuma y'icyumweru kimwe gusa ingabo za FARDC na Wazalendo zigaruriye umujyi rwagati wa Remeka, mu gitero cyo kwisubiza ibice zari zaratakaje, Fardc yashakaga kongera gufata ibindi byaro byinshi byo muri ako gace gusa M23 ibabera ibamba.
