Davido, Rema na Fally Ipupa bazaba ari bo bahanzi b'imena muri Afro Nation Portugal 2027, aho Omah Lay, Victony n'ibindi byamamare na bo bamaze kwemezwa ko bazitabira iri serukiramuco .
Afro Nation Portugal yemeje ko Davido, Rema na Fally Ipupa ari bo bazayobora ku rubyiniro ku nshuro ya karindwi .
iri serukiramuco rikomeje kwerekana ubukaka bwa Nigeria muri kimwe mu birori bikomeye ku isi byizihiza injyana za Afrobeats na Amapiano.
Iyo festival izabera i Portimão kuva ku wa 9 kugeza ku wa 11 Kamena 2027, ku mucanga wa Praia da Rocha, ikaba izaba ibaye hafi ukwezi mbere y'igihe yari isanzwe iberaho mu myaka ishize.
Itsinda rya mbere ry'abahanzi bagera kuri 30 bamaze kwemezwa ni Davido, Rema na Fally Ipupa ari "ibihangange bitatu by'umuziki wa Afurika," bose bakaba bagarutse muri iyo festival.
Ku rubyiniro rwa Lit Stage na ho hamaze kwemezwa Omah Lay, Odeal, Shenseea, Valiant, Victony, Bamby na Miimii KDS, mu gihe South Gidi (umushinga wa muzika uhuza DJ Tunez na DJ Maphorisa, urimo Wizkid na Mavo) uzasoza ijoro rya nyuma ry'ibirori.
Urubyiniro rwa Piano People na rwo ruragaruka, ruyobowe n'umwe mu batangije injyana ya Amapiano, Kabza De Small, hamwe n'itsinda TxC. Dlala Thukzin na we azitabira nk'umushyitsi wihariye, afatanyije na 031Choppa, 2woBunnies, Benzo, Thatohatsi, Uncool MC, W4DE, Xduppy B2B Al Xapo, Young Stunna na Zee Nxumalo.
Urutonde rw'abahanzi bazitabira rukomeza umuco waranze Afro Nation Portugal kuva yatangira mu 2019, aho ibyamamare byo muri Nigeria byagiye biba ku isonga hafi buri mwaka. Mu bahanzi b'imena bayitabiriye harimo Burna Boy, Wizkid, Davido, Megan Thee Stallion, 50 Cent, Chris Brown na Nicki Minaj, iri serukiramuco rishimirwa uruhare ryagize mu kugeza injyana za Afrobeats na Amapiano ku rubyiniro rw'isi.
