Michelle Bachelet wahoze ari Perezida wa Chili yakuyemo kandidatire ye ku mwanya w'umunyamabanga mukuru w'Umuryango w'Abibumbye (UN), nyuma y'ibyumweru itora ryo kureba uko abakandida bahagaze rimushyize ku mwanya wa karindwi mu bakandida umunani, nkuko bitangajwe ni bitangazamakuru bitandukanye
Mu butumwa yashyize hanze kuri uyu gatandatu ku mbuga nkoranyambaga, Bachelet, wabaye Perezida wa Chili wa mbere w'umugore, yagize ati: "Uyu munsi natangaje ko nafashe icyemezo cyo kudakomeza na kandidatire yanjye ku mwanya w'umunyamabanga mukuru w'Umuryango w'Abibumbye."
"Bamwe bashobora kumva ko igihe cyari kitaragera kuri kandidatire nk'iyi nashakaga guhagararira. Sinicuza kuba narihaye uyu mukoro ukomeye cyane."
Bachelet yashimangiye ko binyuze mu kwiyamamaza kwe kuri uwo mwanya wo kuyobora ONU, yafashije gutangiza impaka "ko umunyamabanga mukuru utaha akwiye kuba ari umugore ukomoka muri Amerika y'Epfo".
