Umuhanzikazi w'icyamamare mu gihugu cya uganda Winnie Nwagi yavuze ko uko agenda akura, ari na ko uburyo abona ubucuti n’inshuti bwagiye buhinduka, aho ubu aha agaciro abantu bamufasha gutera imbere kandi bakagira icyo cyiza bongerera ubuzima bwe.
Mu kiganiro yagiranye na mugenzi we Sheebah Karungi kuri podcast The Let’s Talk About It, Nwagi yavuze ko mbere yibandaga cyane ku kugira inshuti zishobora kumusohokana no kumufasha gukomeza kuba mu buzima bw’imyidagaduro.
Yagize ati: “Ndashaka inshuti zifite ibyo ntunze. Umuntu ushobora kumfasha kugera ku byo ntagezeho.”
Umuhanzikazi wamenyekanye mu ndirimbo Matala kandi yavuze ko yishimira cyane abagore bakorana umwete kandi bakagera ku ntego zabo ku bw’imbaraga zabo bwite. Yongeyeho ko adaterwa ishyari n’intsinzi y’abandi bagore.
Ati: “Nishimira abagore bagera ku byo bashaka ku bwabo. Sinita ku ho waba warabikuye; niba warageze ku cyo washakaga kandi ukaba wishimye, nanjye ndishima.”
Sheebah Karungi na we yashimangiye aya magambo, avuga ko atumva agira ishyari iyo abandi bantu bageze ku ntsinzi.
Aba bahanzi bombi bahurije ku kuba abantu bakwiye kwishimira ibyo abandi bagezeho, aho guhora bibaza cyangwa babaza abandi aho ibyo bagezeho byaturutse.
