ubwo hatangazwaga amanota ya batsinze ibizamini bya Leta kuri uyu wa gatanu taliki 11 nzeri 2026 Ufimana Germaine yatsinze ku kigero cyo hejuru aho yagize amanota 88.47% ndetse akaba yujuje amasomo 5.
Mu butumwa yanyujije ku mbuga nkoranyambaga nyuma yo kubona ibisubizo, Germaine yagize ati:
"Ni ukuri Imana dusenga si Bayali! Iyo ivuze irasohoza. Amashimwe anyuzuye umutima sinzi niba afite ingano, gusa Imana iri mu ijuru ryayo yumve ko umuja wayo nyishimiye, kandi nzahora mvuga izina ryayo."
Germaine yavuze ko kuba yaratsinze ku manota meza bifitanye isano n'amasengesho ndetse no kwiga cyane. Yashimangiye ko kwizera Imana bidakwiye gutandukanywa no gushyiraho umuhate mu byo umuntu akora.
aho yagize ati: Ibanga nta rindi ni ugusenga no kwiga cyane, kuko Imana ikunda abanyamurava igaha umugisha imirimo yabo."
Yiyemeje gukomeza gukora cyane
Germaine yavuze ko iyi ntsinzi ayifata nk'intambwe imwongerera imbaraga zo gukomeza gukora cyane no gukoresha neza amahirwe azamugeraho mu gihe kizaza.
ati: Imana inshoboje sinzagutenguha, nubundi nzakomeza gukora cyane no no mu yindi miryango yose izamfungurira."
Ufitimana Innocent umubyeyi wa Germaine na Alicia yatangarije Inumanews ko afite akanyamuneza hamwe nu muryango wose yakomeje avuga ko agiye gufasha Aba bakobwa gukomeza gukabya inzozi ndetse no kubafasha kuminuza Amashuri hamwe no gukomeza gukora muziki kurwego mpuzamahanga.
Alicia na Germaine bamaze imyaka irenga ibiri binjiye mu muziki aho bamaze gukora indirimbo zirimo , Urufatiro , Rugaba , wa mugabo , Ihumure , uriyo imaze kurebwa na barenga miliyoni kuri You Tube , Ndahiriwe , Ibendera , Ibanga igezweho mu Rwanda no hanze akaba ariyo baherutse gushyira hanze .
