Ikigo cy’Igihugu Gishinzwe Ibizamini n’Ubugenzuzi bw’Amashuri (NESA) cyatangaje ko abanyeshuri 94,33% batsinze ibizamini bya Leta bisoza amashuri yisumbuye mu mwaka w’amashuri wa 2025/2026.
Umuyobozi Mukuru wa NESA, Dr. Bahati Bernard, yatangaje ko muri rusange, hiyandikishije abanyeshuri 108.732 barimo abakobwa 55,5% n’abahungu 44,95%.
Dr. Bahati yasobanuye ko abakoze ibizamini bya Leta ari 108.405 barimo 102.000 batsinze bangana na 94,33%. Mu bahungu, hatsinze 95,9%,mu bakobwa hatsinda 93%.
NESA yagaragaje ko imitsindire y’uyu mwaka iri hejuru ugereranyije n’umwaka ushize, kuko mu 106.078 bakoze ubushize, 89,1% ari bo batsinze.
Manzi Nshuti Kabanda Brave wize MCB muri Petit Seminaire Saint Aloys mu Karere ka Rusizi ni we wahize abandi mu bizamini bisoza amashuri yisumbuye, umwaka wa 2025/2026.
