Mu gitondo cyo kuri uyu wa Kane, tariki ya 10 Nzeri 2026, inkongi y’umuriro ikomeye yangije ku buryo bukomeye inzu nyinshi z’abantu ziri mu gace ka Cimpunda, muri komini ya Kadutu, mu mujyi wa Bukavu. Uwo muriro wakomeje kuba mwinshi ugera no mu mashuri abiri yari hafi y’aho harimo Ishuri Ribanza rya Mosala, muri komini ya Kadutu, n’Ishuri Ribanza rya Nongo, muri komini ya Bagira.
Kuva inkongi y’umuriro yatangira, abatabazi bahise bakusanywa boherezwa aho inkongi yabereye .
Igikorwa cyabo cyatumye babasha kugenzura uwo muriro no kuwubuza gukomeza gukwira mu zindi nyubako.
Umubare w’agateganyo w’abamaze guhitanwa n’iyo nkongi ni abantu 24, barimo abakobwa 19 n’abahungu 5. Byongeye kandi, abantu 29 ubu barimo kuvurirwa mu bigo nderabuzima byo muri ako gace, muri bo 21 bakaba bari mu bitaro byita ku barwayi barembye cyane. Muri abo, 17 barimo kuvurirwa mu Bitaro Bikuru bya Kadutu, naho 4 bakaba bari mu Bitaro Bikuru bya Leta by’Intara ya Bukavu.
AFC/M23 yakiriye aya makuru y’abahitanywe n’iyi nkongi ibabaye cyane kandi itunguwe bikomeye. Gutakaza ubuzima bw’aba bantu, cyane cyane abana benshi, ni ibyago bikomeye byashyize imiryango myinshi mu gahinda n’agahinda kenshi.
Iperereza ryimbitse ririmo gukorwa kugira ngo hamenyekane neza icyateye inkongi y’umuriro ndetse hamenyekane ni byangiritse .
AFC/M23 irihanganisha byimazeyo imiryango yabuze ababo, kandi igaragaza impuhwe zayo zikomeye ku bakomeretse ndetse n’abandi bose bagizweho ingaruka n’iyi mpanuka ibabaje.
Itangaza ko yakusanyije ubufasha bwose bukenewe kugira ngo ikemure ibibazo byihutirwa by’abagizweho ingaruka.
Irasaba abaturage gukomeza gutuza, kugaragaza ubufatanye no kuba maso, inabasaba kudaha agaciro ibihuha cyangwa amakuru y’ibinyoma kugeza igihe iperereza ririmo gukorwa rizaba rirangiye.
